Деактивирана пакет-бомба наменета за француската амбасада во Атина

Грчката полиција деактивира пакет-бомба адресирана до француската амбасада во Атина. „Тоа беше сомнителен пакет, голема книга, адресирана до амбасадата на Франција и ние извршивме контролирана експлозија“, соопшти полицијата. Во изминатите денови во Атина се откриени повеќе вакви пакети, испратени на адреса на неколку амбасади. Сомнителен пакет вчера беше откриен и во компанија за испорака на пошта во атинското предградие Маркопуло, а полицијата ја проверуваше неговата содржина. Грчките власти во понеделникот уапсија две лица поврзани со овие терористички акции и против нив е поднесено обвинение. (МИА)