Грција, сепак, се одлучи да побара помош од ММФ и од ЕУ

Грчката влада, сепак, се одлучи да побара помош од Меѓународниот монетарен фонд (ММФ) и од своите партнери во Европската унија, пишува „Фајненшл тајмс“, објаснувајќи дека станува збор за „неминовен потег“ на Атина, во ситуацијата во која се наоѓа земјата. Иако Грција инсистира дека формално не е побарана помош, испраќањето писмо до ММФ и до ЕУ за заемот што тие и' го ветиле на атинската влада, практично означува барање помош, па високи претставници на Фондот и на Унијата од Брисел во понеделник ќе дојдат во грчкиот главен град на почеток на преговорите со тамошната влада. Условите што од Грција ќе ги побараат ММФ, но и нејзините европски партнери, ќе бидат строги, па лондонскиот весник предвидува од владата на премиерот Јоргос Папандреу да бара натамошно намалување на буџетската потрошувачка и отпуштање на вработени во државниот сектор, затоа што Грција и понатаму има најмногу луѓе во својата администрација.

Одлуката на Грција да се спасува со помош на ММФ и на ЕУ означува капитулирање на атинската влада пред недовербата на меѓународните пазари на пари кон земјата. (МИА)