Откажани повеќе летови од скопскиот аеродром

И на скопскиот аеродром „Александар Велики“ вчера беа откажани повеќе летови кон европските дестинации поради затворањето на аеродромите во европските држави. Според информациите од аеродромот, откажани се летовите од Прага, Будимпешта, Брисел и обратно.

Откажани беа летовите од Прага кон Скопје и обратно на авиокомпанијата „Чех ерлајнс“, од Будимпешта и обратно на авиокомпанијата „Малев“, како и летовите во двете насоки кон Брисел на „Ерлифт“.

Вчера над стотина лета беа откажани од повеќе европски аеродроми и од САД поради големиот облак вулканска пепел што излегува од вулканот на Исланд. За денешните летови од аеродромот „Александар Велики“ велат дека се' зависи од тоа во кој правец ќе се движи облакот со вулкански пепел. (С.М.)