Нови три мајмуни во Зоолошка градина

Зоолошката градина се поднови со три нови жители. Од завчера во градината се адаптираат три женки лемури - прстенести мајмуни подарок од ЗОО од Амстердам. Извесен период тие ќе живеат одвоено од седумте сродни мајмуни-мажјаци, кои исто така во зоолошката беа донесени од Холандија пред речиси два месеца. Надлежните најавуваат дека по периодот на адаптација, сите десет лемури ќе се префрлат во ново заедничко живеалиште, а се надеваат и на принови.

Инаку, сите лемури се подарок од Амстердам. Тоа се вид мајмуни со прстенести црно-бели опашки и со ококорени очи, кај децата препознатливи како мајмуните од цртаниот филм „Мадагаскар“. (Дс.Т.)