Момче загинало крадејќи бакар од трансформатор

ВЕЛЕС - Дваесет и едногодишно момче од Чашка загина од струен удар, при обид да украде бакар од трансформатор. Завчера, околу 8 часот, В.П. и неговите другари тргнале со магаре и мазга од Чашка кон селото Владиловци за да крадат бакар од трансформатор.

По десет часа стигнале во селото. Момчето се качило на трансформаторот висок пет метри и со клешта се обидело да ја пресече жицата. Набргу поради струјниот удар се струполил на земјата. Двајцата другари повикале Брза помош, по што повредениот бил пренесен во Медицинскиот центар во Велес. Но, докторите само констатирале смрт. (С.Ќ.Н.)