Затвореник од хоби продавал дрога

Струмичанецот С.В. (36) познат како Комита, кој бил во затвор поради разбојништво, кога го пуштале надвор, продавал дрога. Според МВР, С.В. секој ден од 7 до 16 часот, додека имал работни обврски во една приватна фирма во Струмица, купувал хероин, го препакувал и го продавал. Во пет наврати продал 125 грама. Го уапсиле во средата, околу пладне, додека продавал 100 грама хероин. Кога полицајците се обиделе да го уапсат, тој побегнал со „фијат пунто“ без регистрација, но набргу бил фатен.

При претресот во домот на таткото на неговата сопруга во селото Босилово, биле пронајдени 14 пакувања со хероин, со вкупна тежина од 120 грама. Против него е поднесена пријава за трговија со дрога. (Г.А.