Помирливи тонови од Северна Кореја

ЈОНПЈОНГ - Северна Кореја соопшти вчера дека нема да реагира на воените вежби изведувани од Југот во близина на нивната спорна граница, и дополнително олабавувајќи ги тензиите. Си-Ен-Ен објави дека Пјонгјанг се согласил за враќање на нуклеарните инспектори. Темпераментниот Север се закани дека ќе го возврати ударот ако неговиот сосед продолжи со вежбите во кои ќе се користи боева муниција, но неколку часа откако стивна артилерискиот оган соопшти дека „не е вреден“ за воен одговор.

Гувернерот на Њу Мексико, Бил Ричардсон, кој е во посета на Пјонгјанг, во обид да ги олабави тензиите доби согласност од Северна Кореја да им се дозволи на нуклеарните инспектори на ОН да се вратат, според информациите на Си-Ен-Ен, кој има екипа што патува со него. Пјонгјанг „се согласи да им овозможи на персоналот од Меѓународната агенција за атомска енергија да се врати во нуклеарниот објект во земјата“. (Ројтерс)