„Преживеан“
Немања Павлов скандалозен победник
Барменот од Валево Немања Павлов е првиот победник на авантуристичкото реално шоу „Преживеан“. Тој како награда освои 100 илјади евра и автомобил „нисан патрол“, а на големата завршница негов најголем конкурент бил Рале, кој видно разочаран од однапред познатите резултати, при говорот со водителот истакнал дека „пазарењето“ на Немања му ја донесе победата, со што публиката остана шокирана.
По соопштувањето на резултатите, Немања видно возбуден им се заблагодарил на организацијата, на публиката и на своите пријатели од Советот, кои го дале гласот за него.
„Особено ми значи гласот од публиката. Не знам како се чувствувам моментно, бидејќи одеднаш добив и автомобил и пари. Тоа што го изјавија Рале и Едита се обични глупости. Веројатно и немаат начин како да се справат со поразот, па мора вака да реагираат“, реагирал Немања. |
