Судан е на прагот на обновување на граѓанската војна
КАРТУМ - Ривалски воени единици од северниот и јужниот дел се собираат во централен Судан, јави официјален претставник на ОН. Судан е „на работ“ на обновување на 20-годишната граѓанска војна, јави регионалниот координатор на ОН за јужен Судан, Дејвид Грасли. Предупредувањето следуваше по неодамнешните судири во регионот Абји богат со нафта, на кој претендираат и двете страни.
Американскиот пратеник во Судан предупреди дека лидерите на двете страни не се заинтересирани за мир. Новите предупредувања следуваа откако Советот за безбедност на ОН работи на состојбата во Судан, обидувајќи се да ги ублажи тензиите во Абји како и во западниот регион Дарфур. „Во овој период се случува постепена ескалација на силите на сите страни“, рече Грасли. Тој смета дека ниту една страна во овој момент не сака војна, но дека состојбата мора да се смири или би можела да го поткопа целиот мировен процес. ((Би-Би-Си) |
