Комуналците бараат проширување на повластениот ДДВ
Комуналните претпријатија вчера се согласија дека августовските сметки што им ги испратиле на граѓаните со ДДВ од 18 отсто ќе бидат сторнирани, а вишокот пресметана сума ќе им биде пребиен во септемвриските сметки, согласно со Законот што стапи во сила од 27 август годинава. Инаку, тие вчера дискутираа за проширување на повластената даночна стапка на ДДВ од 5 наместо 18 отсто и кога ќе бидат ангажирани за одржување хигиена на градските гробишта и на пазарите. На седницата на Здружението на комунални дејности при Сојузот на стопанската комора на Македонија тие побараа од Министерството за финансии точно да се дефинира и во Предлог-одлуката за дополнување на одлуката за определување на добрата и услугите за кои ќе се наплатува повластената стапка на данокот на додадена вредност. (Сн.К.)
| 
