Договор за пречистителна станица во Прилеп
Во рамките на спроведувањето на проектот „Станица за пречистување на отпадни води и изградба и санација на дел од канализациска мрежа во Општина Прилеп“, вчера во Министерството за животна средина и просторно планирање беше потпишан договор меѓу министерот Неџати Јакупи, градоначалникот на Прилеп, Марјан Ристески, и директорот на прилепскиот „Водовод и канализација“ Методија Томески. Договорот се однесува на функционирање и одржување на пречистителната станица за отпадни води во Општина Прилеп. Проектот во рамките на Оперативната програма за регионален развој за 2007-2009, дел за животна средина, ќе биде финансиран од ИПА-фондовите. Потпишаниот договор ќе биде доставен како прилог кон ИПА-апликација за реализација на овој проект, која во наредниот месец ќе биде доставена до Европската комисија. (Ск.Р.) |
