Генералниот директор на „МЖ Транспрот“ АД – Скопје, Благоја Крстевски, поднесе оставка од функцијата од здравствени причини. На негово место е назначен Оливер Деркоски од Прилеп, информира преку соопштение Надзорниот одбор на МЖ „Транспорт“ АД - Скопје.
Оставката на Крстевски ја констатирал Надзорниот одбор на „МЖ-Транспорт“ на завчерашната седница, на која го назначил Деркоски за претседател на Управниот одбор и генерален директор на МЖ „Транспорт“. (МИА)
Што треба да значи трансферот на Деркоски од пратеничките клупи во директорската фотеља на МЖ? Едно е сигурно, таму не заминува по сопствен избор. Уште помалку ова треба да се сфати како негово унапредување бидејќи тоа со ништо и не го заслужи. Освен ако во партиски заслуги не се рачунаат големиот број на вработувања на негови блиски роднини, особено од страната на жена му, единствено нешто по што веројатно ќе остане и запаметен. Дали Пастирот полека почнува да ги згрижува своите кадри во пресрет на се’ поизвесните избори, или ги казнува заради нивната неспособност? За скоро ќе го дознаеме одговорот. Сега е единствено сигурно дека прилепските дпмнеовци имаат еден пратеник помалку. Што воопшто и не е некоја штета. Најмногу на ова ќе се радува прилепскиот Градоначалник кому Деркоски му беше еден од поголемите душмани.
