Сто дена бомбардирање на Либија

Изминуваат сто дена откако започнаа бомбашките напади врз Либија. Таа војна веќе ја чини Велика Британија над 250 милиони фунти. Со оглед дека мисијата е одобрена да продолжи уште 90 дена, никој се' уште не може да го пресмета долгорочното влијание врз британските воени сили, а не, пак, како и кога ќе заврши мисијата.

Вториот највисок офицер во Кралските воздухопловни сили, командантот на воздушните сили, маршал сер Сајмон Брајант веќе предупреди на притисокот врз персоналот и ресурсите, одразувајќи ја загриженоста на првиот лорд на поморските сили, сер Марк Стенхоуп, кој зборуваше за Кралската морнарица. Намалувањата за одбраната од страна на владата уште повеќе ја отежнаа нивната работа. (Би-Би-Си)