Купиле лаптоп со фалс-пари

Триесетгодишен радовишанец се шокирал кога сфатил дека парите што ги зел од продажбата на лаптопот биле фалсификат. Тој пред неколку дена пред Автобуската станица во Радовиш се сретнал со две лица, кои не ги познавал, а со кои бил договорен да им го продаде компјутерот. Непознатите му дале 200 американски долари и си заминале со моторциклот. Продавачот, пак, се упатил кон менувачниците и банките во градот за да ги размени парите, но непријатно се изненадил кога му кажале дека банкнотите се фалсификат. Побарал помош од полицијата, која трага по измамниците. (Г.А.)