Ограбен рулетџија во казино

Околу 13.000 евра биле ограбени од 37-годишен скопјанец во казино на улицата „11 Октомври“ во Скопје. Според МВР, ограбениот го пријавил разбојништвото вчераутро околу 3,20 часот. Двајца непознати мажи со кациги на главите и безбол палки во рацете влегле во казиното каде што Е.Ќ. сам играл на маса за рулет. Тие го извлекле надвор, го претепале и потоа од џеб му ги одзеле парите и побегнале. Нападнатиот Е.Ќ. со видливи повреди на главата се вратил од казиното, вработените му укажале помош, а припадниците на обезбедувањето во објектот го однеле во Ургентниот центар. Полицијата врши истрага за случајот. (Г.А.)