Фатен ограбувачот на брачниот пар

По петнаесетдневна потрага, полицијата го уапси Е.Е. (27) од Скопје, осомничен дека го извршил разбојништвото на брачната двојка од Струга, при што украл околу 3,5 милиони денари во различни валути. Истражен судија му одреди притвор од 30 дена, а против него е поднесена пријава за разбојништво. Според МВР, Е.Е. на 14 јули се скрил во дворот од куќата на стружаните, инаку сопственици на менувачница и додека мажот го паркирал автомобилот во гаража, тој ја нападнал жената, одземајќи и' ја чантата со пари. Сопругот успеал да го дофати за маицата, но ограбувачот успеал да се отргне и да побегне.

Од МВР соопштија дека станува збор за познат извршител на кривични дела. (Г.А.)