Скарпони најбрз во 18. етапа на Џиро

Италијанскиот велосипедист, Микеле Скарпони, триумфира во 18 етапа на Џиро ди Италија што се возеше од Сулмоне до Беневенто во должина од 182 километри. За него ова е втора етапна победа на годинашното издание на една од најпрестижните велосипедски трки во светот. До неа стигна во завршниот спринт пред Колумбиецот Феликс Карденесе и Американецот Дени Пејт.

Русинот Денис Менчов во целта мина со четири минути задоцнување по победникот, но го задржа водството во генералниот пласман со 26 секунди пред Италијанецот Данило ди Лука и две минути подобро вкупно време од Франко Пелицоти.

Ленс Армстронг остана на 12 позиција.

Резултати од 18. етапа: Микеле Скарпони (Италија) 4:07,41 ч.; Феликс Кардењас (Колумбија); Дени Пејт (САД); Ларс Бак (Данска) - сите во времето на победникот итн.

Генерален пласман: Денис Менчов (Русија) 76:40,02 ч.; Данило ди Лука (Италија) +26 сек.; Франко Пелицоти (Италија) +2,00 мин. итн.