„Телекабел“ незаконски ги прикажувал Бум и Пинк плус

СВР - Скопје поднесе кривична пријава против каблелската телевизија „Роби ДООЕЛ“ од Штип и против Р.Д. (37) и З.И. (40) поради повреда на авторско право и сродни права.

Според пријавата на полицијата, тие неовластено ги прикажувале аналогните ТВ-програми Бум, Мезо, Пинк плус и РТР Планета, што е спротивно на законските одредби. „Р.Д. како управител на „Роби“ и З.И. како управител на „Телекабел“ - Скопје, без да обезбедат потврда за регистриран програмски пакет издаден од страна на Советот за радиодифузија, неовлатесно ги прикажувале програмите. Со тоа посегнале по туѓо авторско право, наплаќајќи месечната такса од корисниците на услугите на „Роби“, со што се стекнале со поголема противправна имотна корист“, информираат од МВР. (Х.Р.)