Стечајците повторно на протести

Стечајните работници и лицата прогласени за технолошки вишок вчера повторно протестираа пред Собранието и пред Владата. Нивните барања се лицата со повеќе од 15 години работен стаж и со старост над 53 години за мажи и 50 години за жени да добиваат месечен надоместок од државата во висина од сто евра се' до наредното вработување или пензионирање.

„Ова е борба за опстанок. Одговорно тврдам дека нема никаква политичка заднина. Во секој град една третина од граѓаните живее во мрак затоа што не може да ги плати сметките за струја“, изјави претседателката на Здружението на стечајни работници (УНИТ), Лилјана Георгиевска.

Таа додаде дека побарале да бидат примени од координаторите на пратеничките групи, но дека не оствариле средба со никого. Стечајците неколку месеци протестираат пред државните институции барајќи решавање на нивниот статус. (М.Т.)