Грчките влогови пораснале за шест милијарди евра

Штедните влогови во грчките банки за еден месец се зголемиле за околу шест милијарди евра, со што се негираат информациите за „бегство“ на капиталот од Грција во странство поради финансиската криза. Тоа го објавија вчера грчките медиуми цитирајќи податоци од ЕЦБ. Според статистиката на ЕЦБ, влоговите на сметките во банките се зголемиле од 362,3 милијарди евра во февруари на 368,1 милијарди во март, што е најголемо ниво од 1998. (МИА)