Намалување на невработеноста

ГОСТИВАР - Проекти за намалување на невработеноста и за унапредување на гостиварското стопанство заеднички ќе реализираат Општина Гостивар и УСАИД. По разговорите со општинското раководство, претставниците на УСАИД потврдија дека ќе дадат финансиска поддршка. Првиот проект предвидува јакнење на капацитетите на малите и на средните претпријатија, со што ќе се создад��т нови работни места. Со вториот проект ќе бидат опфатени учениците од средните технички училишта, кои ќе посетуваат обуки за стекнување вештини на информатичката технологија. Активностите стартуваат во почетокот од идната година.

Градоначалникот на Гостивар, Руфи Османи, смета дека со развојот на вештините на работната сила и зајакнувањето на капацитетите на малите и на средните претпријатија ќе се создадат услови за економија што ќе биде конкурентна со економиите на развиените европски пазари. (К.К.)