Исплата на субвенции за греење

Сите корисници на социјална помош и на постојана парична помош од вчера можат да аплицираат за дополнителна субвенција за енергетска сиромаштија, во износ од 600 денари. Министерот за труд и социјала, Џељаљ Бајрами, вчера рече дека субвенција ќе можат да побараат сите корисници на помош, кои еднаш месечно ќе приложат платена сметка за струја или за други режиски трошоци.

„Корисниците еднаш месечно ќе треба да достават сметки и ќе можат да добиваат по 600 денари. Знаеме дека овие средства можеби нема да се доволни за да се покријат трошоците, но тие досега не добиваа ниту по 60 ниту по шест денари, затоа е ова чекор напред“, рече Бајрами.

Тој истакна дека во Скопје има околу 12 илјади корисници на социјална помош, а во цела Македонија околу 52 илјади. (Ек.Р.)