Нашинците против преговори за името

Претставници на македонското малцинство застанаа зад кампањата за прекин на преговорите за името и побараа еднострано да се извести ОН дека отсега нашата држава ќе се нарекува само Република Македонија, а не БЈРМ.

Едмонд Темелко, градоначалник на општината Пустец и претседател на Македонска алијанса за европска интеграција, предупреди дека промената на државното име ќе значи и нивно бришење од националните регистри во Албанија, каде што во одредени делови се признава нивното постоење. Во иста линија беше и Исмаил Бојда, претседател на Македонците со исламска вероисповед. Грчкиот новинар Јоргос Пападакис како главна причина за спорот ја посочи желбата на Грција во рамките на нејзината територија да нема малцинство кое ќе се нарекува македонско. (Н.Р.)