Изложба на Владимир Величковски посветена на Боб Дилан
Во рамките на „Скопско лето“, денеска во 11 часот во Градската кафеана „Пелистер“, ќе биде поставена изложбата на Владимир Величковски насловена „Чукајќи на небесните порти“, посветена на музичката легенда Боб Дилан. Во писмото што Величковски му го напишал на Дилан за време на неговото гостување во Скопје пред две години, меѓудругото се вели: „Во работата, пред се, бев инспириран од Вашата музика, што ја создавате веќе педесет години, но користев и мотиви од неколку обвивки на плочи...“
Во Даут пашиниот амам, пак, во 20,30 часот, ќе се одржи концерт на пејачи-магистранти од класата на проф. Марија Муратовска од Факултетот за музичка уметност од Скопје. Ќе настапат: Беса Лугичи, Линдита Хакај, Аделина Тачи, Зана Абази Рамадани и др. Публиката ќе може да слуша арии, речитативи и дуети од Пучини, Дворжак, Доницети, Гуно. |
