Велешки театар гостува на фестивали во Хрватска
Од 30 јуни до 7 јули, Велешкиот театар „Јордан Х.К. Џинот“ ќе гостува на два театарски фестивали во Хрватска. На 1 јуни на Фестивалот на народен театар „Омишаљ-Чавле“ на островот Крк, ќе ја одигра претставата „Мушичка“ во режија на Никола Ристов. Во оваа претстава играат Зоран Љутков, Јордан Витанов, Зорица Панчиќ, Едмонд Сотир, Слободанка Чичевска и Кирил Гравчев. Ова е прво гостување на претставата надвор од Македонија.
На 6 јули, пак, со претставата „Во самотијата на памучните полиња“ од Бернар Мари Колтес, во режија на Деан Дамјановски, Театарот ќе настапи во официјалната конкуренција за Гран при наградата на Меѓународниот фестивал на камерен театар „Златен Лав“ во Умаг. Во претставата настапуваат актерите Васил Зафирчев и Зоран Љутков. Ова е само уште едно гостување после успешните настапи со оваа претстава на фестивалите во Италија, Сардинија, САД, Албанија и Русија. |
