Пронајден најстариот филм на Хичкок

Конзерватори од Нов Зеланд пронашле три од шесте ролни од најстариот зачуван филм на Алфред Хичкок „The White Shadow“, снимен во 1924 година, за кој се смета дека не постои друга копија.

Според „Холивуд рипортер“, станува збор за филм создаден во првата половина на немиот филм, што се опишува како британска мелодрама која за дистрибуција ја откупила холивудска компанија на Луис Селзник. Младиот Хичкок, кој тогаш имал 24 години, компанијата го навела како асистент на режија, сценограф, монтажер и сценарист на филмот .

Филмот е пронајден во сеф во Филмскиот архив во Велингтон, а во него Бети Компсон игра две улоги на сестри-близначки, една на ангел, а друга на „бездушна" личност.