ТЕЈЛОР МОМСЕН

Актерката прави колекција од филмови за возрасни

Тејлор Момсен (17) откри дека има голема желба да гледа туѓи снимки со сексуални активности. Американската контроверзна тинејџерка, позната по улогата во серијата „Трачерки“, кажа дека со задоволство собира и чува домашни порно-филмови од познати и славни личности. „Доколку снимката е добра, сигурно ќе ја погледнам. Има неколку од порно-филмовите што ми се посебно драги, но меѓу нив не се наоѓа оној со Памела Андерсон и Томи Ли. Познатиот пар не направи некое специјално видео за памтење, а јас никогаш не би имала секс со Томи. Тој е одвратен“, кажа Тејлор.

Инаку, младата актерка се занимава и со манекенство, но и со музика - дел е од бендот „Прити реклес“. Кога имаше 8 години, ја напиша песната „Блекаут“ и ја издаде во демоверзија. Сега, ТВ-ѕвездата Хајди Монтаг, позната по многубројните пластични операции, ја презеде во свои раце и jа издаде истата песна. „Умрев од смеење кога слушнав дека ја преработила темата. Па, тоа е песна за осумгодишни девојчиња, што и' е на неа?“, рече Момсен.