ЏОНИ ДЕП

Херојско спасување на пријателот

Американскиот актер Џони Деп спречи еден крадец што се обиде да го ограби неговиот пријател. Имено, Деп и Стивен Џонс, фронтменот на групата „Бејбибрд“, излегле од музичкото студио кога им пришол некој млад човек и вперил скршено стаклено шише во главата на Џонс.

„Тоа беше возбудлив момент. Џони остро го погледна човекот в очи и му рече веднаш да им се тргне од патот“, изјави неименуван извор за весникот „Сан“. И навистина, по интервенцијата на Деп, крадецот веднаш се откажал од своите злосторнички амбиции. „Момчето го послуша Џони. Го погледна и рече ’Нема да крадам од капетанот Џек’, а потоа го спушти шишето. Актерот му даде неколку банкноти и му рекол да го среди својот живот“, раскажал сведок на настанот.

Британската рок-група „Бејбибрд“ сними нов албум, на кој гостува и Џони Деп како гитарист. Познатиот актер го режираше спотот за песната „Анлавбл“, која се наоѓа на истоимениот албум.