За Астралоза 16. етапа, без промени на врвот
Микел Астарлоза е победник на 16. етапа на годинашниов Тур де Франс, долга 159 километри од Мартини до познатиот ски-центар Бург Сент Мориц, поминувајќи ја етапата за 4 часа 14 минути и 20 секунди. Зад него низ целта минаа домашните велосипедисти Санди Касар и Пјерик Федриго, кои зад победникот заостанаа шест секунди.
На првото место во генералниот пласман по 16. етапа и натаму е Шпанецот Алберто Контадор, кој водството го презеде во неделата по победата во првата алпска етапа возена од Понталије до Вербие.
Контадор има предност пред второпласираниот Ленс Армстронг од една минута и 37 секунди и една минута и 46 секунди во однос на третопласираниот, Британец Бредли Вигинс.
Првата петорка во генералниот пласман ја дополнуваат Андреас Кладен од Германија и Енди Плек од Холандија. |
