Расте интересот за руралниот туризам

За поддршка на руралниот развој идната година се предвидува да бидат обезбедени 12 милиони евра. Во 2010 година, од вкупно проектираните 10 милиони, се реализираа 72 отсто.

Најголем број корисници на средствата се индивидуалните производители на кои земјоделството им е примарна дејност, а најмногу пари се побарани за набавка на земјоделска механизација.

Според Министерството за земјоделство, годинава посебно изненадува интересот за развој на руралниот туризам.

„Најголем дел од апликациите се за модернизација на земјоделските стопанства преку купување нова механизација и опрема. Од нив, околу 60 отсто се за трактори. Притоа, предничи интересот за набавка на механизација за житни култури, а најмногу барања се поднесени од Пелагонискиот регион“, информираат од Министерството. (МИА)