„Есенска соната“ со Ингрид Бергман и Лив Улман во Кинотека
Во рамките на циклусот „Бергман и жените“, кој се прикажува во Кинотека, денеска ќе може да се види филмот „Есенска соната“ од 1978 година. Во овој есеј за односот меѓу мајката и ќерката главните улоги ги играат Ингрид Бергман и Лив Улман. Станува збор за една исклучителна приказна која ја истражува комплексноста на односот меѓу родителот и детето секогаш проткаен со љубов, но и со недоразбирања.
Во недела пак, ќе се прикаже „Жените чекаат“ од 1952 во кој Бергман на својот особен начин ја испитува женската интима. Три жени се наоѓаат во една викендичка, во која додека ги чекаат мажите копаат по своите сеќавања, искуства, потреби и очекувања. Циклусот на Бергман трае до 13 јуни, а проекциите се од 20 часот. (С.У.) |
