ДПМ распиша конкурс за годишните награди
Друштвото на писателите на Македонија го распиша традиционалниот конкурс за најдобри остварувања во областа на поезијата, прозата, критиката и литературата за деца. Книжевната продукција објавена во 2008 година ќе ја оценуваат четири жири-комисии кои ќе ги доделат реномираните признанија - наградата за поезија „Ацо Шопов“, наградата за проза „Стале Попов“, наградата за критика „Димитар Митрев“ и наградата за книга за деца „Ванчо Николески“.
Книгите во по четири примероци треба да се достават до крајот на месецов, а свеченото врачување на признанијата ќе се случи на 13 февруари, ден на формирањето на писателската асоцијација. Наградите се состојат од плакета и паричен дел во износ од 20.000 денари. (Н.П.) |
