|
|
|
|
|
|
|
Во „Феникс“ хит на летото е „Последниот харем“ од Петер Пранге
Членовите на Клубот на книгата „Феникс“ деновиве за хит на летото го избраа романот „Последниот харем“ од истакнатиот германски писател Петер Пранге, кој е објавен во два дела. Станува збор за документарен и фактографски роман кој се чита со посебно задоволство и во еден здив. Овој историски роман претставува вистински возбудлив и привлечен бестселер, кој не случајно е преведен на голем број светски јазици и има доживеано многу изданија.
Како што информираат оттаму, на второ место од летната хит топ-листа се најде трилогијата „Принцезата Султана“, а на трето место се петте дела од Ог Мандино: „Најголемиот трговец на светот“, „Најголемата тајна на светот“, „Најголемиот успех на светот“, „Дар на ѕвез��ата Акабар“ и „Дванаесеттиот ангел“.
Инаку, сите изданија на „Феникс“ на Летниот саем на книгата, кој се одржува во Охрид, Скопје и низ целата земја од 1 јули до 1 септември се продаваат со попуст од 40 до 70 проценти, а просечната цена на изданијата е од 150 до 200 денари. (Н.П.) |
#
|
|
|
Статијата е прочитана 344 пати.
|
|
|
|
|
|
|
|
