„Со песна низ времето“, концерт на „Танец“
Вечерва во рамките на „Скопско лето“, на платото пред Домот на АРМ во 20,30 часот, ќе настапи Ансамблот за народни песни и игри на Македонија „Танец“. Ансамблот ќе одржи концерт на тема „Со песна низ времето“, на кој пејачката група и оркестарот ќе понудат богата програма. Гости на концертот се Јордан Митев, кавал и Марија Вршкова, пијано.
„Танец“ се состои од повеќе состави - игроорен кор, пејачки хор и оркестар и овие три состави функционираат како една компонента, но и како одделни состави според потребите и намените за кои тие функционираат и работат. Пејачката група во Ансамблот „Танец“, која вечерва ќе може да ја чуе публиката, постои уште од формирањето на составот, ��д 1949 година. Големиот народен оркестар, пак, брои вкупно 12 членови и негува разновиден репертоар.
В недела, во Даут пашиниот амам во 20,30 часот, концерт ќе одржат студентите од Факултетот за музичка уметност од Скопје. Ќе бидат изведени дела од Шопен, Зографски, Телеман, Пуланк, Бужаровски... (К.Р.) |
