Ме радува зашто гласањето се одвива мирно
Своето гласачко право на предвремените парламентарни избори премиерот и лидер на ВМРО-ДПМНЕ, Никола Груевски, го искористи на избирачкото место број 2.662 во Основното училиште „Кузман Јосифовски-Питу“ во скопска Кисела Вода. „Ме радува зашто до овој момент гласањето се одвива фер, демократски и без никакви посериозни проблеми и попречувања. Поголем дел од денот за гласање е веќе поминат и се надевам дека така и ќе заврши“, изјави Груевски по гласањето. Тој посочи дека според претходните анализи и испитувања на јавното мислење, направени од професионални агенции, ВМРО-ДПМНЕ имаше убедлива предност. „Мислам дека така и ќе остане и дека реформите во Македонија ќе продолжат и ќе победат“, нагласи Груевски. (П.Р.) |
