Претходен број

ПЕЛАГОНИЈА

За Пелистер куп идеи, се бараат донатори

БИТОЛА - СОС детско село во Потпелистерието, музеј за Димитар Илиевски- Мурато и изградба на набљудувачка кула заради навремена заштита од пожари. Ова се трите наградени проекти на конкурсот што по повод 60-годишнината го распиша јавната установа национален парк „Пелистер“. За реализација на проектите раководството на паркот ќе побара помош од Владата, општината и од донатори, откако го изгуби најголемиот странски финансиер - Агенцијата за соработка од Швајцарија.

„Немаме големи инвестиции во паркот. Најголемите вложувања се од Швајцарија. Се надевам дека соработката ќе продолжи и во иднина“, рече Сашо Мицевски, директор на НП „Пелистер“.

Од паркот велат дека реализацијата на СОС-детското село на Пелистер би била, пред се', хуманитарна аспект во што треба да се вклучат Владата и Министерството за труд и социјала. Се предвидува изградба на 50 куќи за сместување на исто толку семејства кои ќе посвојат по едно дете. Се планира овие домови да бидат доделени во трајна сопственост, а Националниот парк „Пелистер“ да вработи еден од родителите.

За паркот приоритет е изградба на музеј постветен на битолчанецот Димитар Илевски- Мурато, кој засекогаш остана заробен во белините на највисокиот врв на светот - Монт Еверест. (А.Б.)