Притвор за учесници во изборните инциденти во Гостивар и во Дебар
ГОСТИВАР - Правосудните органи одредија притвор за учесници во изборните инциденти во Гостивар и во Дебар. Кристе Николоски, претседател на Основниот суд во Гостивар, информира дека на две лица од гостиварското село Неготино за кривично дело спречување избори и гласање, насилство, завчера во вечерните часови, им беше изречена казна домашен притвор во траење од триесет дена. На шест лица што се наоѓаат во бегство во отсуство им беше изречена мерка притвор во траење од 30 дена. Притоа е распишана интерна потерница за да се пронајдат осомничените лица и да се лишат од слобода. Притвор заработија и четири лица од Дебар кои ги попречувале изборите во овој град. (К.К.) |
