Нов тендер за фиксен оператор
Владата распиша нов тендер за избор на фиксен оператор преку кој ќе зборува државната администрација. Откако во почетокот на април беше поништен претходниот поради, како што изјавуваа од Службата за општи и заеднички работи, низа пропусти во подзаконските акти, сега повторно ќе се бара оператор кој ќе понуди најевтин телефонски импулс. Цената ќе биде пресудна во изборот на новиот фиксен оператор. Критериумот на цената се вреднува со 90, а квалитетот на услугата со 10 поени.
Во игра за вредниот бизнис се очекува да се пријават шесте компании од претходниот тендер, меѓу кои „Телеком“, „Космофон“, „Он.нет“, „Неотел“. (Ек.Р.) |
