Тајната на ирачката војна

По најновото објавување на тајните документи од ирачката војна на Интернет-порталот „Викиликс“, американската влада се најде под засилен притисок. Посебно е спорен ангажманот на приватните агенции за обезбедување.

Според весникот „Њујорк тајмс“, ангажманот на фирмите за обезбедување значително го заострил воениот хаос во Ирак, што произлегува од тајните акти на американската војска што се најдоа на Интернет. Припадниците на приватните агенции за обезбедување, без да прават разлика, често пукале во невооружени ирачки цивили, во американски војници и во луѓе од други агенции за обезбедување. Реакциите во САД поради објавувањето на речиси 400 илјади документи во врска со ирачката војна инаку се жестоки.

Најголемиот дел од американските медиуми ја делат оцената дека во најново објавените тајни документи нема бизарни новости, но истакнуваат дека тие фрлаат светлина на цела низа важни аспекти на ирачката војна. На пример, за бројот на жртвите во ирачката војна. Бројките што се наоѓаат во документите се многу повисоки отколку што досега кога било призна Пентагон во врска со цивилните жртви. Станува збор за 109 илјади убиени Ирачани во период од шест години, а речиси две третини од тоа се цивили.

Арапските медиуми, пак, ја преувеличуваат работата, ��аму често се спомнува бројката 285 илјади, што е збир на загинатите и на ранетите. Дали угледот на САД сериозно ќе настрада? Пред се', поради извештаите дека ирачките војници ги малтретирале затворениците со знаење на американската војска.

Значи, обвинувањата за мачења се чисто ирачка работа, прашува и истовремено одрекува „Њујорк тајмс“. (Дојче веле)