Скокнале од трети кат исплашени од ѓавол!

ПАРИЗ - Единаесет лица скокнале од прозорец на трети кат во едно мало француско гратче, блиску до Париз. Иследниците се обидуваат да утврдат дали луѓето скокнале по сопствена волја или биле принудени да го направат тоа. Се верува дека групата луѓе, со африканско потекло, виделе гол маж и станале хистерични верувајќи дека тој е ѓавол.

При паѓањето едно четиримесечно бебе почина, а седуммина се повредени, меѓу кои и деца. Човекот што живеел во станот бил разбуден од своето бебе и додека се грижел за него, без облека, една жена кренала паника и го пробола во раката мислејќи дека тој е ѓаволот. Човекот е во притвор, заедно со уште едно лице, а полицијата се обидува да ги согледа околностите што стојат зад оваа трагедија. (Јуроњуз)