Кејти Холмс
Избегнала несреќа во експлозија
Актерката Кејти Холмс за влакно избегнала експлозија, кога на снимањето на новиот филм „Не плаши се од мракот“ експлодирал автомобил, од кој таа успеала брзо да излезе. Иако помина без поголеми повреди, младата артистка била видно потресена.
„Кејти беше во автомобилот кога експлодира батеријата. Пред да се запали се појави густ црн чад“, изјавил близок извор.
Во новиот филм Кејти глуми жена која опсесивно ја следат гномови - митски суштества. Станува збор за римејк на филм од 1973 година.
Актерката, сопруга на Том Круз, пред да се случи несреќата изјавила дека е многу возбудена поради снимањето на филмот.
„Навистина уживам. Филмот е одличен“, изјавила Кејт.
На снимањето, на младата мајка друштво и' прави тригодишната ќерка Сури. |
