ИЗБОР
Тргна карванот на „Летна убавица на Македонија“
Изминатиот викенд тргна на својот круг низ Македонија карванот на изборот „Летна убавица на Македонија 2009“. Во првата етапа, на изборот во Куманово, во кафулето „Клуб“, победи Жаклина Андоновска од Куманово, додека нејзини придружнички беа Емилија Розман (прва) од Скопје и Љупка Митевска од Македонска Каменица (втора придружничка).
Веќе следниот ден карванот продолжи во Дојран, во хотелот „Истатов“, каде што победи Љупка Митевска, а за прва придружничка беше избрана Емилија Ангеловска, исто така од Македонска Каменица, додека втора придружничка беше Драгана Стефановска од Куманово. На третиот избор изминатиот викенд, во кафулето „Рома“ во Кавадарци, победничка беше кумановката Драгана Стефановска, а за прва и за втора придружничка беа избрани Емилија Розман и Љупка Митевска – Македонска Каменица.
Следниот викенд изборот продолжува во Кичево, Охрид и во Струга.
Победничката на целиот избор „Летна убавица на Македонија 2009“ веќе во октомври ќе ја претставува Македонија на изборот „Мис глоуб интернешенел 2009“, за кој модното студио „Црнокрак“ поседува лиценца. |
