Бесплатно зборување меѓу пензионерите со „Оне“
„Оне“ ја промовираше најновата понуда специјално креирана за сите пензионери во земјава. Со неа сите пензионери можат да добијат мобилна постпејд линија, и тоа со месечна претплата од само 239 денари, целосно искористување на месечната претплата за национални и меѓународни разговори, СМС-пораки и друго, бесплатни разговори меѓу сите пензионери во Македонија што ќе ја искористат оваа понуда, како и бесплатни разговори со уште еден број од мрежата на „Оне“, надвор од кругот на пензионерите.
Со новата понуда „Оне“ овозможува преку скратена и лесна процедура сите пензионери во Македонија да станат корисници на најевтината мобилна телефонија на пазарот. Пензио��ерите треба само да приложат лична карта или пасош и да достават чек од последната исплатена пензија.
Со секоја мобилна линија на тарифниот модел „мобиле постпејд ХС“, пензионерите ќе можат да си одберат и телефон, при што ќе им биде понудена посебна листа бесплатни или телефони со мала доплата, како што се: „алкател от 108“, „алкател от 208“, „алкател от 506“, „нокија ц 1-01“, „самсунг е 1080“ и „самсунг е 2330“. (А.С.) |
