Ријана

Се претвора во својата мајка

Ријана признала дека по малку и' се случува она што повеќето девојки во еден период од животот ги згрозува - полека се претвора во својата мајка. Пејачката вели дека токму мајка и' имала најмногу влијание врз неа во текот на животот и дека е многу моќна личност. „Гледам како избива од мене. Многу влијаше врз мене и сето тоа доаѓа до израз. Дури и во некои изрази на своето лице ја препознавам неа и постојано си говорам: ’ Опа, се претворам во Моника Фенти’ “, вели црвенокосата пејачка.

Ријана неодамна изјавила дека веќе не може да слушне некој да споменува брак зашто тоа била единствената тема за која разговарала нејзината колешка и најдобра пријателка, Кејти Пери. Кејти во текот на викендот се омажи во Индија за Расел Бренд, а американските медиуми јавуваат дека Ријана на крајот не дошла на свадбата. Иако за Кејти организираше прослава на моминска вечер и веќе имаше подготвено гардероба, Ријана во последен час го откажала доаѓањето. Нејзината пријателка поради тоа, наводно, не се налутила.