Сунити убија 40 лица во џамија во Иран

Техеран - Сунитската бунтовничка група Џундалах ја презеде одговорноста за двојниот самоубиствен напад во џамија во југоисточен Иран што се случи прексиноќа, при загинаа најмалку 20 лица, а над сто се повредени. Во писмото упатено по електронска пошта до телевизијата групата соопшти дека нападот е одговор на егзекуцијата на нејзиниот лидер Абдулмалик Риги. Тој беше осуден со бесење во јуни годинава, откако иранското правосудство го прогласи за виновен по обвиненија за напад врз цивили, вооружен грабеж и водење кампања против режимот. Во изјавата се истакнува дека нападот бил насочен против регрутирање припадници на Револуционерната гарда во градот Захедан, во провинциите Систан и Белуиџистан, кои се граничат со Пакистан.

Иранските власти стравуваат дека бројот на жртвите ќе се зголемува, со оглед на тоа што голем број ранети се во тешка состојба. (МИА)