За Европејците нема живот на кредит

Брисел - Претседателот на Европскиот парламент, Јержи Бузек, вчера побара на граѓаните на Европската унија отворено да им се каже дека повеќе не може да живеат со задолжување на кредитни картички. „Кога преземаме реформи мора да бидеме целосно отворени кон нашите граѓани. Мораме да им ја кажеме вистината дека мора да се стави крај на културата на живеење на кредитна картичка, со зајмени пари“, изјави Бузек на Самитот на ЕУ во Брисел. „Мораме да ги платиме сметките. Во спротивно ќе им го одземеме на нашите деца наследството, а веројатно и на нивните деца“, рече Бузек. (МИА)