ТИНЕЈЏЕРИ

Доцна легнуваат, доцна стануваат

За разлика од другите старосни групи, тинеЈЏерите се биолошки програмирани

Американските експерти утврдија дека тинејџерите се биолошки програмирани да одат на спиење подоцна и да се будат се' подоцна за разлика од другите старосни групи, а поради училишните обврски спијат од 60 до 90 минути помалку од препорачаното.

Анкетата спроведена меѓу американските тинејџери покажува дека околу половина од нив немаат доволно сон во текот на учебната недела, затоа што во многу училишта наставата почнува многу рано, понекогаш во 7 часот наутро.

Една од причините за нарушување на сонот кај тинејџерите лежи во биологијата. Експертите велат дека тинејџерите се биолошки програмирани подоцна да си легнуваат и подоцна да стануваат.

Анкетираните ученици нагласуваат дека освен прераното почнување со наставата, треба да се додаде и воннаставната активност, како ш��о е спортот, што дополнително ги заморува, па утринското станување е вистинско измачување за нив.

Мајкл Бреус, клинички психолог чија специјалност е нарушувањето на сонот, вели дека не се работи за момчиња и девојчиња кои се мрзеливи, туку за деца чиј биолошки ритам не е урамнотежен. Тој вели дека на тинејџерите им се потребни осум-девет, па дури и девет-десет часа спиење.

Бреус истакна дека поспаните тинејџери можат да развијат еден облик на депресија, кој би можел негативно да влијае врз нивната општа здравствена состојба. Таа депресија не само што влијае врз нивната способност на наставата, туку и на спортскиот терен и на улица. Тој нагласува дека секој уморен возач е потенцијално опасен, а особено тинејџер кој нема доволно искуство зад воланот.

Психологот смета дека училишната настава би требало да почнува подоцна. Тој притоа упатува на истражувањата што покажале дека учениците во тој случај можат да ги подобрат своите резултати во училиштето. (МИА)