Aдитивите ќе значат крај на тутунарството

Канадска иницијатива за укинување на адитивите во тутунската индустрија се однесува на бленд-цигарите, а тоа ќе се одрази врз производството на македонскиот ориентален тутун, реагираа од Здружението на производителите на тутун и тутунски производи при Стопанската комора на Македонија. Претставникот на комората, Васко Ристовски, уште еднаш нагласи дека исполнувањето на Канадската иницијатива значи крај за бленд-цигарите, а со тоа и крај за ориенталниот тутун.

„Беа потребни две години да се дадат сите аргументи за Македонија да гласа негативно на состанокот на СЗО. Сепак, ова не е осамена битка на Македонија ниту во СЗО, каде што се гласаше во јули во Женева, ниту во СЗО каде што ќе се гласа во ноември за оваа иницијатива, туку е борба во која се вклучени многу земји - производители на тутун“, објасни Ристовски. (МИА)