Сто години синдикално движење
Сојузот на синдикатите на Македонија вчера го одбележа јубилејот сто години синдикално движење во Македонија. На свеченоста претседателот на ССМ, Ванчо Муратовски, давајќи осврт на синдикалното движење во Македонија, рече дека денес ССМ е пред големи предизвици и оти не смее да се дозволи интересот на капиталот за големи профити да создаде големи социјални разлики.
„Не смееме да дозволиме интересот на капиталот за големи профити да не' одведе во криза, до создавање големи социјални разлики, до драстична поделба на општеството на богати и сиромашни“, рече Муратовски. Работниците, според Муратовски, не сакаат да живеат од социјална помош, туку од својот труд.
Според претседателот на Собранието, Трајко Велјаноски, синдикатите во својата историја до денес се вистинската работничка организација преку која се артикулираат и штитат работничките права. (МИА) |
