Спречен шверц на „вијагра“

Вкупно 61 кутија таблети за импотенција „вијагра“ се обиделе да прошверцуваат тројца наши државјани на преминот Блаце на границата со Косово. Царинската управа соопшти дека настанот се случил вчераутро кога за влез во земјава се пријавиле тројцата нашинци. При претрес на чантата на еден од нив, биле најдени четири кутии од лекот, поради што бил направен детален претрес на тројцата патници и нивниот автомобил. Биле најдени вкупно 61 кутија таблети „вијагра“. (Г.А.)